AlexUranga
BIO
Anaiaren eskutik hasi nintzen bodyboardean; haren saioak ikusiz zaletu nintzen. 12 urterekin udako egun guztiak uretan pasatzen nituen, eta urte batzuk gehiagorekin baita udaberri eta udazkeneko egunak ere. 13 urtetik aurrera futbolean ere hasi nintzen, lehen urteetan eskolan eta Zumaiako taldean, eta gerora Realeko infantil eta kadete mailetan. Realeko zuzendaritzatik bat edo beste aukeratu beharrean nengoela esan zidaten arte: futbola alde batera utzi eta bodyboardean murgildu nintzen guztiz. 15-16 urterekin nire mailako Euskal Herriko txapelketetan parte hartzeaz batera, Open mailan ere kikuak egin nituen. Nagusiekin Europako zirkuituko proba batean ere aritu nintzen 16 urte nituela, Doniñosen, eta 9. sailkatu nintzen. 17-18 urterekin Europako eta Munduko zirkuituetako probetan parte hartzea ohikoa bihurtu zen. 2011ean IBA-ko bitan banatuta zegoen: 24 onenek GSS zirkuitua zuten eta besteek GQS zirkuitua, nirea. Urte horretan, ordea, Doniños Pro irabazi nuen GQS zirkuituan, eta gero gainera onena gertatu zen: GSS mailako Reunion Uharteko Nissan Pro txapelketa irabazi nuen. Bigarren mailako konpetidore izan eta Grand Slameko probetako bat irabazi duen bodyboarder bakarra naiz oraindaino. Elitean denboraldi osoz aritzeko txartela lortu nuen GQS munduko rankingean lehena izanez. 2012an, profesionaletan egindako lehen urtean, 15. bukatu nuen, podium bat eginda. 2013tik 2015era helburua emaitzak hobetzea izan da. 2015ean, helburua Top 5ean sartzea zen, baina lesio bat tarteko ezin izan dut urtea amaitu.
Gure nagusiak
