Chefo Basterra eta Rafa Vilallongaren hockey selekzioak finalerdiak galdu ditu eta ostegunean brontzezko partida jokatuko du
Lepauztaia hautsi eta Jokoetara ahalik eta ondoen iristeko erlojupekoan lan egin ondoren, Naia Lasok parkeko final olinpikorako sailkapena lortu du, goizeko saioan zazpigarrena izanik (8 pasatzen ziren finalera) eta final horretan ere zazpigarren postuan amaitu du, diploma bat eskuratuz.
Sky Brown, Cocona Hiraki edo Arisa Trew bezalako garaiera handiko aurkarien aurka lehiatuz, Bermeokoak bere esku egon den guztia egin du, nahiz eta gaur ere ez duen zortea alde izan. Sailkapen-serieko erorikoetako batengatik bizkarrean kolpe bat hartu du, eta Naia infiltratuta iritsi da une handira, mugatuta.
Lehen saiakeran 59,85eko puntuazioa sinatu du. Bide onetik zihoan Espainiako txapelduna, baina lurrera joan da azken uneetan eta horrek zigortu egin du. Gauzak ez dira hobeto joan bigarren seriean, desorekatu egin delako hasi bezain laster, eta horrek saioaren segundo gutxi batzuk baino egin ez izatea eragin du.
Horrela, Naiak bere puntuazioa eta sailkapena hobetzeko aukera izan du hirugarren eta azken errutinan. Lortu du, bere trikimailuak egin ahala konfiantza hartuz. Bere txapelketa olinpikoa sentsazio onekin amaitu nahi zuen, eta nahia gauzatu du. Bere 86,28ko puntuazioak merezimenduzko zazpigarren postua ziurtatu dio final honetan, Bryce Wettstein estatubatuarrak bete duen seigarren postutik bi puntu baino gutxiagora eta Hinano Kuaski japoniarraren aurretik.
Belar hockeyan Chefo Basterra eta Rafa Vilallongaren selekzioak bere historiako lehen urre olinpikoa irabazteko ametsari agur esan dio, astearte honetan Herbehereen aurka galdu baitu (4-0) Colombeseko Yves-du-Manoir estadioan, Pariseko periferian. Max Caldas argentinarrak zuzentzen duen taldeak brontzezko domina irabazteko borrokatu beharko du ostegunean.
Atletismoan Asier Martinez hesi-lasterkariak 110 metroko finalerdietarako sailkapena lortu du bere seriean bigarren postuan geratuta. Nafarrak 13.46ko denbora egin du, Crittenden faboritoaren atzetik. Irteera txar bat gainditu du, non bigarren erreakzio-denbora txarrena izan duen, eta era ikusgarrian eman dio vuelta egoerari. Azkenean, finalerdietarako sailkatzeko beharrezko emaitza eman dio.
Bestalde, John Cabang Basque Teameko hesi lasterkaria lesionatu egin da eta ezin izan du errepeska egin. Berotzea ere eragozten dioten pubiseko arazoak izan ditu eta ez du irteera hartu. Beraz, ez da finalerdietara sartu.
Gaurkoa ere ez da jardunaldi ona izan Tessy Ebosele arabarrarentzat. Izan ere, ezin izan da gaur goizean Saint Denis Estadioan jokatu den luzera-jauziko lehiaketako finalera pasa. Lau atleta bakarrik sartu dira zuzenean finalean 6.75 jauzi eginda, gainerakoak hurrengo 8 erregistro onenekin. Tessy Ebosele ez da 6.09tik pasa, dominen lehian sartzeko aukerarik gabe geratuz.
