Jon Andoni Cintado Basque Teameko taekwondolariak brontzezko domina oso gertu izan du Europako Jokoetan, -80 kilokoan

Jon Andoni Cintadok Krynica-Zdrój Arenako tapizean erakutsi du iazko Munduko azpitxapeldunaren titulua eskuratzea ez zela kasualitatez gertatu, horretarako kalitatea ere baduela. Basque Teameko kirolariak Antonio Gerrone italiarrari irabazi dio bere final-hamaseirenetako borroka, -80 kiloko kategorian. Lehen roundean 7-6 estu batengatik irabazi du, eta sei puntu lortu ditu bularrean hiru ostikada eta ukabilkadak ematen duen puntu batengatik, baina gero hiru gam-jeom egin ditu. Bigarren round-a berdinketarekin amaitu da, eta puntuen kalitatearen arabera erabaki behar izan da.

Final-laurdenetan Zeberiokoak Kasra Mehdipournejad irandarrarekin neurtu ditu indarrak. Printzipioz Andoni zen faboritoa eta aurreikuspenak bete dira. Bizkaitarrak bi roundetan gainditu du aurkaria taekwondo sendoa erakutsiz, 6-3 lehen partzialean eta 5-3 bigarrenean. Horrela, hurrengo kanporaketara igaro da, eguneko tarte indartsuari aurre egiteko oso beharrezkoak diren indarrak aurreztuz. Irandarrak ukabilkada bat eman dio petoari eta gainerakoak Andoniren gam-jeomek sortutako puntuak izan dira.

Finalerdietan Edi Hrnic danimarkarra izan du aurkari, Europako txapeldunordea 2022an Manchesterren. Taekwondista hau hirugarren kanporaketara iritsi zen 2022ko Guadalajarako Munduko Txapelketan eta 2023an Bakukoan. Jon Andonik 2-1 galdu du bere kontra. Lehen round-a bere aldet erori da, 4-2. Bigarrena oso estu egon da eta daniarraren aldekoa izan da, 4-5. Azkenak, bizkaitarrarentzat zela zirudienak, 7-11ko emaitzarekin bukatu du Hrnicentzat, batez ere buruari eta petoari ostikoka lortutako puntuengatik.

Porrot honen ondoren, Cintadok Huseyin Kartal turkiarrarekin borrokatu behar izan du. Brontzezko domina lortzeko lehian Kartal izan da nagusi. Bi roundetan irabazi du, 6-8 eta 2-4. Jon Andonik Poloniara joan den Basque Teameko komunikazio taldeari esan dio xehetasun txiki batzuk konpondu behar dituela, baina pozik dagoela Grand Prixak eta  Europako eta Munduko txapelketak jokatzen dituen lehen urtean. Bukatutakoan ez zegoen pozik domina ez lortzeagatik, baina ikasten eta Parisko Jokoetarako bidean jarraitzen du. Datorren astean nazioarteko hitzordu berri bat izango du Australian.