Basque Teameko Salma Solaun gimnastak zilarra lortu du Bakuko Munduko Kopako zinta eta piloten ariketa mistoko finalean 

Zilarra taldeak “all around”ean erdietsitako urreari eta bost uztaien finalean eskuratutako zazpigarren postuari gehitu behar zaie

Salma Solaunek, Inés Berguak, Ana Arnauk, Mireia Martínezek eta Patricia Pérezek osatutako taldea zilarrez eta urrez busti da Bakuko Munduko Kopan (Azerbaijan). Sailkapen nagusian gailendu zen atzo, 3 zinta eta 2 pilotako ariketa bikainarekin, eta podiumeko bigarrenera igo da ariketa mistoko finalean. Aipatutako ariketarekin bikaintasun ukitua jarri diote ostiralean taldea behin-behineko bigarren postuan jarri zuen bost uztaien muntaia zoragarri batekin hasi zen txapelketari.

Taldeak Munduko Kopako proba bat irabazi du bigarren aldiz -lehenengoa iaz izan zen, Portimaon (Portugal) -, nazioarteko txapelketa garrantzitsuenetako bat, Olinpiar Jokoen eta Munduko eta Europako txapelketen atzetik kokatzen dena maila aldetik.

Elkarbizitzarako eta bakerako mezua zabaldu dute berriro, lasai egon dira konposizioak irauten duen 2 minutu eta 30 segundoetan, urteko ariketa politenetakoa eraikiz. Ariketa honen nota, parte-hartzaile guztien artean altuena izan zen atzo: 33,700 (18,100 zailtasunean, 7,900 artistikoan eta 7,700 exekuzioan), aurreko jardunaldian bezala, denboraldiko bere errekorra gaindituz. Guztira 70,450 puntu batu zituzten, sailkapen nagusian (“all around”) bigarren bukatuz, Italiaren (70,150) eta Azerbaijanen (69,050) aurretik, zilarra eta brontzea, hurrenez hurren.

Atzoko jardunak gaur, igandean, jokatutako bi finaletarako txartelak eman zizkien. Zinten eta piloten final mistoan berriz ere distira egin dute gaur 33,150eko puntuazioa lortuz eta zilarrezko domina irabaziz, Japoniaren atzetik (33,350) eta Italiaren aurretik (32,850). Bost uztaien multzoan ez dute euren jardunik onena burutu eta zazpigarren postuan amaitu dute (33,000), Japonia, Italia, Azerbaijan, Txina, Ukraina eta Bulgariaren atzetik eta Mexikoren aurretik.

Bere egoera geopolitikoagatik txapelketatik kanpo dagoen eta Grezia eta Bulgariako Munduko Kopak irabazi dituen Israelen faltan, Espainia podiumeko taldea da denboraldiko hirugarren txapelketa handiaren ondoren.

Zalantzarik gabe, emaitzak, urrezko eta zilarrezko dominak, eta aurreko astean Sofian lortutakoa, lagungarri izango zaizkie urte olinpikoan epaileen mahaian prestigioa lortzeko, hitzordu handiaren aurreko ibilbideak nolabaiteko pisua duen kirol honetan.