Salma Solaun Basque Teameko gimnastak urrea eta zilarra bereganatu ditu Bakuko Munduko Kopan

Salma Solaun Bakuko (Azerbaijan) Munduko Kopatik itzuli da, bi dominarekin, bata urrezkoa ariketa mistoko finaletik eta bestea zilarrezkoa “All around” probatik. Gasteiztarraren taldeak atzean utzi du, beraz, denboraldiko lehen Munduko Kopako esperientzia txarra, Sofiakoa, non ezin izan zuten podiumera iritsi, baina, hori bai, ikasteko, gauzak doitzeko eta denboraldi osorako martxa hartzen  joateko balio izan die. 

Salma Solaunek, Inés Berguak, Andrea Corralek, Marina Cortellesek, Andrea Fernándezek eta Lucía Muñozek osatutako taldeak modurik onenean ekin zion Bakuko Kopari, sailkapen nagusian edo “all around” delakoan zilarrezko domina poltsikoratuta, lortutako 54.050 puntuei esker.

Dominak igandeko jardunaldiari bide eman zion, non aparatuen bi final jokatu behar izan zituzten. Eguneko lehen domina-saiakera bost pilotako finalean izan zen. Gimnastek lehen zati harrigarria egin zuten, ia elementu guztiak kontrolatuz.

Ustekabean, ariketaren azken segundoetan bi eroriko izan ziren eta larrienak tapizetik irtetea eta ordezko aparatu bat erabiltzea eragin zuen. Horrela, Espainiak zazpigarren postuan amaitu zuen 23,100eko notarekin (11,400 Zailtasunean, 7,000 Artistikoan eta 5,050 exekuzioan, 0,350eko penalizazioa kenduta). Finalean garaile suertatu ziren taldeak Israel (26,650), Brasil (26,350) eta Uzbekistan (25,450) izan ziren.

Handik ordubetera, ordea, arantzatxoa atera zuten hiru uztai eta lau mailuen finalean, eta Solaunen taldeak bere maila erakutsi zuen bertan, hasieratik bukaerarako muntaia zirraragarriarekin, non inoiz ez bezala sentitu zuten interpretatzen duten mamboa.

Saria urrezko domina moduan iritsi zen, baita denboraldi honetako puntuazioaren errekorrarekin ere: 27,950 (13,600 Zailtasuna, 7,700 Artistikoan eta 6,650 Exekuzioan). Podiuma Errusiak (AIN 2, 26,750) eta Bulgariak (26,750) osatu zuten.

Taldeak hilabeteko epea izango du orain ariketak hobetzen jarraitzeko bere hurrengo lehiaketara arte: Portimaoko Munduko Kopa (Portugal), maiatzaren 15etik 17ra. Hitzordua Europako txapelketaren aurreko azken proba handia izango da. Horretan txapeldun titulua berrestea espero da, iaz koroa kontinental hirukoitza lortu baitzuten.