Pau
Echaniz

BIO

Pau Echaniz Donostian jaio zen, baina urte batekin Seu d´Urgellera joan zen bizitzera. Han eman zuen haurtzaro osoa, eta sei urterekin, bere aitaren eraginari esker (garai hartan estatuko hautatzailea zen, eta piraguek zoratu egiten zuten) herriko klubean izena eman zuen, eta hobby gisa hasi zen piraguan.

Denboraren poderioz arraunean jarraitu zuen, berarentzat serioagoa bihurtu zen arte. 15 urterekin, Junior mailako talde nazionalean sartu zen, eta Munduko eta Europako 18 urtez azpiko txapelketan parte hartzeko aukera izan zuen.

18 urtez azpiko taldean sailkatu zen, beti garaipenaren bila. Beti gertu egon arren, 2019ko Europako Txapelketara arte itxaron behar izan zuen zilar bat lortzeko.

Junior gisa eman zituen lehen urteetan, irabaztea zen gehien axola zitzaiona, baina helburuak aldatuz joan ziren. Ulertu zuen benetan garrantzitsua zela epe luzera pentsatzea eta etorkizunerako ikasketa-prozesu ona izatea. Garrantzitsuena ez zen Junior Mailako Munduko txapeldun izatea 2019an, baizik eta txapeldun olinpikoa izatea 2024an.

2020an hasi zuen 23 urtez azpikoan etapa, eta talde horretan sailkatu zen, baina, covid-aren erruz, nazioarteko lehiaketarik gabe geratu zen.

2021ean Donostiara joan zen bizitzera aitarekin, Maialen Chourraut dominadun olinpikoarekin eta Ane ahizparekin. Atletico San Sebastian taldeak fitxatu zuen eta entrenatzen jarraitu zuen. 23 urtez azpiko talderako sailkatu zen eta lehen aldiz sartu zen talde absolutuan. Horri esker, ekitaldi garrantzitsuenetan lehiatzeko aukera izan zuen, eta bere ametsera gehiago hurbiltzeko beste pauso bat eman zuen. Halaber, Tokioko Jokoetara joateko zortea izan zuen, Kasaiko kanalean probatzaile lanak egiteko.

2022an Donostiako eskola batean patroigintza eta moda ikastea erabaki zuen. Horixe da, hain zuzen ere, bere bigarren grina: moda. Ikasketak Xabier Etxanizen aginduetara egindako entrenamenduekin uztartzen ditu, Donostian eta Pauen, bertara ere bidaiatzen baitute.

Bere kanal gogokoena Seu d´Urgelllekoa  da; bertan hainbeste egin du arraunean, non begiak itxita ere ezagutzen duen. Hala ere, Munduko kanal guztiak gustatzen zaizkiola dio.

Esaten du, egoera txarrean egon arren, lehiaketari aurre egiteko modua dela bere indargunea. Piraguaren barruan teknikoki oso ona dela uste du, uretan baliabide ugari dituela. Puntu ahulen artean, berriz, lehiaketarik ez dagoenean motibazio bera mantentzea kostatzen zaiola dio.

Piraguismoaz gain, asko gustatzen zaio jostea, musika, bidaiatzea eta lagunekin egotea.