Virginia Diaz Basque Teameko arraunlaria Tokioko Jokoen finalean sartu da
28-uztaila-2021

Virginia Diaz Basque Teameko arraunlaria Tokioko Jokoen finalean sartu da

Virginia Diaz eta Aina Ciden lemazainik gabeko bikoak hirugarren bukatu du Tokioko Jokoetako olinpiar arrauneko finalerdian, eta finalerako sailkatu da.

Diazek eta Cidek sekulako finalerdia egin dute. Hasi aurretik bazekiten beste finalerdia oso azkarra izan dela eta aurkari indartsu bat, Australia, txapelketatik kanpo geratu dela. Hala ere, lehen eguneko sailkapen txandan baino lasaitasun handiagoarekin egin diote aurre finalaurrekoari eta irteera hobea egiteko gai izan dira.

Diazek eta Cidek osatzen zuten bikotea azken postuan zegoen 1.000 metroko erreferentziatik pasatzean, Zeelanda Berriaren, Errusiako Batzorde Olinpikoaren, Errumaniaren, AEBen eta Italiaren atzetik. Hurrengo zatian, dena den, era harrigarrian buelta eman diote egoerari eta markagailua irauli dute, hirugarren postuan jarrita; egoera horri eutsi diote helmugara iritsi arte.

Zeelanda Berriko ontziak beste maila batean dagoela erakutsi du beste behin, estropada lehen postuan amaituz 6.47.41eko denborarekin, errusiarrak (6.50.24), Diaz eta Ciden bikotea (6.50.63), Errumania (6.58.55), Estatu Batuak (7.02.52) eta Italia (7.04.52) atzetik amaitu dute. Lehen hiru ontziak pasa dira finalera.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago