Aritz Aranburu, Abanca Pantin Classic Galicia Pro txapelketako txapeldunorde
Aritz Aranburu
Aritz Aranburuk gogor egin du lan Abanca Pantin Classic Galicia Pro taldeko bigarren postua lortzeko. Txapelketa hau 2011n irabazi zuen, baina gaur azken garaipena Vasco Ribeirok eraman du, garaipena eskuratzeko faboritoetako batek.
Gizonezkoen koadroa laugarren kanporaketarekin hasi da gaur goizeko bederatzietan eta egunean zehar Aritz lau aldiz sartu da uretara. Lehen txandan Maxime Huscenot, Joaquim Chaves eta Vicente Romero gainditu ditu. Final-laurdenetan Dylan Groen alemaniarra azpiratu du, kontrol eta potentzia handiko maniobrekin. Finalerdietan Huscenot garaitu du berriz ere, junior mailako munduko txapelduna izan zena, eta borroka handia bukaerarako utzi du, portugaldarra den Ribeirorekin nor baino nor aritu behar izan da finalean.
Aranburuk eskarmentu eta jakinduria handia erakutsi du beste behin, gainera, Hawaiko Rocky Pointeko Jones anaiek oparitutako taula probatuz. Finalean, ordea, Vasco Ribeiro ere bikain aritu da, indar teknikoa eta taktikoa erakutsiz eta lehentasuna maisuki erabiliz.
Aritzek Basque Team fundazioari esan dionez, oso pozik dago bigarren postuarekin eta garai bateko maila berreskuratzeagatik; “ume bat bezala sentitzen naiz”, adierazi du zarauztarrak.
