Zilarra Ane Santesteban txirrindulariarentzat Mediterraneoko Jokoetan
Errenteriako txirrindulariak bigarren metal preziatuena jantzi du errepideko txirrindularitzako proban Tarragonako Vilasecako herrian hasiera eta bukaera izan duen hiri-zirkuituan.
Anek 2 ordu, 38 minutu eta 47 segundo behar izan ditu 89 kilometroko etapa betetzeko, eta esprinetan Erica Magnaldiri bigarren tokia irabazi dio. Biak irabazlearengandik 3 minutu eta 18 segundora iritsi dira. Elisa Longo italiarra aise nagusitu da eta arazo barik eskuratu du urrea (2 ordu, 35 minutu eta 29 segundo) nahiz eta hirurek batera ihesean egin duten etaparen zatirik handiena.
2017an izan zuen istripuagatik igaro duen boladarra txarrari agur esan dio Ane Santestebanek eta denboraldi honetan distira berreskuratu du. “Oso pozik nago” adierazi du proba bukatutakoan.
