22-maiatza-2016
Pablo Carrera tiratzaileak urrea bereganatu du Municheko Munduko Kopan, 50 metrokoan
Pablo Carrera tiratzaileak urrezko domina irabazi du Munichen (Alemania) jokatzen ari diren Munduko Kopako 50 metroko proban. Bilbotarrak mendean hartu ditu Wei Pang txinatarra eta Jongoh Jin finalean.
Finalerako bidean bigarren ,arkarik onena egin eta gero, tiratzaileak lehenengo postua hartu du eta horri eutsi dio urrezko domina irabazteko, 193,9 puntu eginda, Olinpiar Tiroko Federazioak adierazi duenez.
Pablo Carrerak 3,6 hamarrenengatik gainditu du finalaren erdialdean parean izan duen Wei Pang txinatarra. Hirugarren postua Jongoh Jinentzat izan da azkenean.
Aire pistolako 10 metrokoan Carrera lehena da munduko zerrendan. Asteartean berriz ere lehiatuko da, proba horretan, hain zuzen ere.
