Maider Unda eta Richard Oribe Basque Team-eko enbaxadoreek Gautegiz-Arteagako eta Mundakako eskolak bisitatu dituzte, 'Baloreetan bat' egitasmoaren barruan
Maider Unda borrokalari ohiak eta Richard Oribe igerilari ohiak, azken horren entrenatzailea den Javier de Aymerichek lagunduta, Busturialdeko ikasleengana hurbildu dute goi mailako kirola.
Urremendi Landa Garapenerako elkartearekin elkarlanean, Basque Team Fundazioaren ‘Baloreetan bat’ proiektuaren barruan kokatu dira hitzaldiak. Proiektu honen bidez, goi-mailako kirol ez-profesionala enpresa-mundura eta hezkuntza-esparrura hurbildu nahi da.
Gautegiz-Arteagako eta Mundakako eskolako haurrek, Maider Undari eta Richard Oriberi ilusioz gainezka eman diete ongietorria. Aurkezpenen eta solasaldien ostean, galdera interesgarriak egiteko eta haien idoloak hurbilagotik ezagutzeko aukera izan dute. Guztiek elkarrekin gogoeta egin dute inguruneak, familiak, zaletasunek, bizitzan dituzten helburuek eta horiek lortzeko bideak duten garrantziaz… eta gainera primeran pasa dute!
