Maialen Chourraut, Irati Goikoetxea eta Ander Elosegi finalerdietara igaro dira Pauko Munduko txapelketan
Maialen Chourrautek oso jaitsiera garbia egin du K1 modalitatean, ez du zigorrik izan eta horrela hurrengo faserako txartela lortu du zuzenean. Basque Teameko palistak 88.85eko denbora egin (+2.44), eta bosgarren tokian bukatu du.
Zailtasun gehiago izan ditu Irati Goikoetxeak. Donostiarra ez da lehen txandan sailkatu eta bigarrena, errepeska jokatu behar izan du. Bigarren txanda horretan, ordea, ez du zalantzarik utzi. Askoz erosoago jaitsi da eta denborarik onenetakoa lortuta pasa da finalerdietara.
Ander Elosegi, bestalde, hurrengo fasera igaro da C1en arazo handirik gabe. Irungo piraguistak penalizazio txiki bat izan du seigarren atean baina sentsazio onekin bukatu du bere jaitsiera. Elosegi bosgarren izan da 85.37ko denbora eginda (+1.69).
