Virginia Diaz Basque Teameko arraunlaria finalerdietara pasa da Municheko Europako Txapelketan
11-abuztu-2022

Virginia Diaz Basque Teameko arraunlaria finalerdietara pasa da Municheko Europako Txapelketan

Private: Virginia Díaz

Virginia Diaz hirugarren izan da scull singlearen sailkapen-txandan, eta finalerdia jokatzeko txartela lortu du horrela.

Virginiak hirugarren postuan egin du arraun hasieratik eta horri eutsi dio estropada amaitu arte. Dena den, ezin izan du saihestu Magdalena Lobnig austriarrarekiko b¡denbora galtzen joatea partzial bakoitzetik pasatzean: aldea +4.61koa izan da 500 metrotik igarotzean, +6.36koa 1.000 metrotik igarotzean eta +9.86koa 1.500 metrotik igarotzean. Virginiak hirugarren egin du 8:56.36ko (+13.53) kronoarekin, aipatutako Lobnig eta Desislava Angelova bulgariarraren (+4.80) atzetik. Finalerdietarako txartela lortzen zuten lehen hirurek.

Virginia Diazek Munichera joandako komunikazio taldeari esan dio lehen kaletik arraun egiteak min handia egin diola eta kontrako haize bortitza oztopo gogorra izan dela. Larunbateko finalerdian haize hori sufritu behar ez izatea espero du.

Virginia egokitzen ari da berriz ere banakako scull batean arraun egitera. Denboraldi honetan Munduko Kopa bakarra jokatu du, Belgradekoa, eta laugarren amaitu zuen B mailako finalean. Ziklo olinpiko honetan Virginiak lemazainik gabeko bikoa uztea erabaki zuen. Ontzi horrekin Tokioko Jokoetan lehiatu zen eta Aina Cidekin batera diploma olinpikoa lortu zuen seigarren postuan bukatuta.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago