31-martxo-2016
Ainhoa Hernandez eskubaloi jokalaria Basque Teamek maila altuko kirolarientzat duen beka programan sartu da
Ainhoa Hernandez eskubaloi jokalariak eta Basque Teameko koordinatzaileak, Olatz Legarzak, gaur goizean sinatu dute beka. Horrela, Rio 2016ko Olinpiar Jokoetan lehiatzeko Jorge Dueñas hautatzailearen deialdian egoteko aukera asko dituen Barakaldoko jokalaria maila goreneko euskal kirola sustatzen duen programan sartuko da.
Ainhoa Hernandez (Barakaldo, 1994) estatuko selekziotik deitutako Zuazo Barakaldo taldeko lehen jokalaria da. 19 aldiz deitu diote Espainiako selekziotik, lehenengoa 2013ko Mediterraneoko Jokoetarako. Euskarri moduan jokatzen duen bizkaitarrak 120 gol sartu zituen ligan joan den denboraldian, eta txapelketa bosgarren postuan amaitu zuen taldean, Zuazon, zutabeetako bat da.
