Klara Olazabal finalerdietarako sailkatu da Liptovskyko Europako txapelketan, C1ean
27-maiatza-2022

Klara Olazabal finalerdietarako sailkatu da Liptovskyko Europako txapelketan, C1ean

Klara Olazabal Basque Teameko piraguistaren benetako hitzordua gaur heldu da. Irungo palista anbizioz beterik etorri da eslalon piraguismoko Europako txapelketa honetara, Eslovakiako hirian egin daitezkeen proba guztietan lehiatuko baita: K1eko eta C1eko banakako probetan, bi patruila-probetan (taldeak) eta extreme modalitate berrian.

Hala ere, guztien artean Klara C1 damaren banakako proban nabarmentzen da. Atzo K1ean ez zuen lortu kanporaketa gainditzea, baina gaur lehen sailkapen txandan egin du, bigarren txandan lehiatu behar izan gabe. Klarak 15. postuan bukatu du, 113.76ko denbora eginez (+12.12 Kimberley Woods britainiarrarekin alderatuta) eta bi ukiturekin bakarrik eginda, piraguistek akats dezente egin dituzten egunean. Klarak bi akats baino ez ditu pilatu, bata lehen atean eta bestea 19. atean.

Aipatzekoa da Klara Olazabalek azken unera arte borrokatu zuela Nuria Vilarrublarekin Tokioko Jokoetarako sailkapen olinpikoa lortzeko modalitate honetan. 2019ko Munduko Txapelketan bosgarren izan zen, La Seu d´Urgellen, eta Japoniako hitzorduan sartzeko oso gutxi falta izan zitzaion.

Klarak Liptovskyko Europako Txapelketako C1eko finalerdia igandean jokatuko du igandean 9:05etik aurrera.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago