27-urria-2015
Jagoba Vizuetek nazioarte mailako brontzezko domina Espainiako Kopan
Jagoba Vizuete karatekak kumite modalitateko brontzezko domina irabazi berri du Espainiako Nazioarteko Kopan, Lanzaroten. Lehen hiru borroketan nagusitasunez irabazita sartu zen finalerdietan, baina gero ezin izan zuen Rodrigo Ibañez errioxarreren aurka. Brontzezko dominaren lehian Pablo Arenas asturiarra izan zuen aurkari, eta hura bai, hura gainditu zuen eta podiumera igo. 65 karateka aritu dira Espainiako XV. Nazioarteko Kopan, eta tartean ziren estatuko ordezkariez batera Andorra, Azerbayan, Amerikar Estatu Batuak, Eslovakia, Iran, Mozambike eta Portugalgo kirolariak ere. Karatean Jagoba Vizuete da eliteko euskal ordezkari bakarra, aurten bertan batu da Basque Team-era.
