Asteazkenan espero dute iristea Iñurrategik, Vallejok eta Zabalza oinarrizko kanpalekura
Basque Teameko hiru alpinistek ibilaldi laburra egingo dute oinez Askoletik
2013ko ekainaren 17a.- Islamabadetik Skardura 36 orduko bidaia gorabeheratsua izan ondoren, luizi baten ondorioz errepidearen mozketa batek zortzi orduz geldirik izan zituelarik ,hiru alpinistek Askolerako norabidea hartuko dute jeep batek lagunduta eta bertatik oinezko bidea hasiko dute bi egunetan Paiju Peakeko oinarrizko kanpalekura iristeko.
Basque Team taldea osatzen duen Iñurrategi, Vallejo eta Zabalza hirukoak zazpigarren egitasmoa izango du elkarrekin. 2009. urteaz geroztik, goi mailako hiru eskalatzaileok erronka ederrak hartu dituzte miran: Makalu, Hornbein, Broad Peak, Nuptse eta Antartikako zeharkaldia kometa bidez tiratutako lerekin. Aurrekoetan bezala BBK/Kutxabank-ek eta Naturgas-ek babestuko dute espedizioa.
