Iker Martinez eta Xabi Fernandez Londreseko Jokoetan izango dira hirugarren dominaren bila
Gaur jakinarazi du erabakia espainiako bela federazioak komunikatu baten bitartez
Bilbo 2012/04/17.- Gaur eman dute jakitera ofizialki, Ikerrek eta Xabik Londreseko 2012ko Joko Olinpikoetan hartuko dute parte euskal kirolarentzat historikoa izan daitekeen hirugarren dominaren bila lehiatuz. Euskal marinelek Telefonica ontzian jaso dute albistea, Volvo Ocean Race proban bete betan sartuta baitatute azken hilabeteetan. Brasildik egindako adierazpenetan Iker eta Xabi oso pozik azaldu dira albistea jasotzerakoan eta gaineratu dute domina lortzeko asmorarekin abiatuko direla Atenas 2004an (urrea) eta Beijing 2008an (zillarra) sekulako arrakasta lortu eta gero. BAT Basque Team-eko kirolariek ezagutzen dute jada Wyemouth-eko estropada eremua eta bikotearen hitzetan “baldintza egokiak ditu beraien ezaugarrietarako, Beijingen baino haize gutxiagorekin”. Volvo Ocean Race ahalik eta txukunen amaitzen saiatu dira Iker eta Xabi, hurrengo egunetan seigarren etapan abiatuko dira Miamirako bidean.
