29-maiatza-2018
Gure neguko kirolariek denboraldiaren balantzea egin digute
Urte hau jardueraz betea izan dute neguko gure kirolariek. Pyeongchangeko Olinpiar eta Paralinpiar Jokoak izan dira denboraldiko ekitaldi nagusiena, baina Munduko eta Europako Kopek eta Munduko txapelketek ere gure kirolarien agendak bete dituzte. Laster denboraldi-aurreei ekingo diete, baina prestaketa fasearekin hasi baino lehen, Lucas Eguibar snowboardlariarekin, Imanol Rojo iraupen-eskiatzailearekin, Juan del Campo eskiatzaile alpinoarekin, Iñigo Vidondo abiadurako izotz-patinatzailearekin, Felipe Montoya patinatzaile artistikoarekin eta Irantzu Garcia curling jokalariarekin egon gara euren balorazioaren berri izateko.
