Titulua lortzeko aukera guztiak galdu ondoren Eunate Aguirre venezuelan gailendu zaio Isabela Sousari
Brasildarrak IBA TOUR zirkuituko txapeldun izateko behar zituen puntuak eskuratu zituen
Dotore, era ezinhobean esan zion agur Eunate Aguirrek IBA TOUR 2010 zirkuituko tituluari. Sopeloztarrak denboraldiko azken txanpa bikaina burutu du baina erregulartasun horrek ez dio ahalbidetu Isabella Sousa brasildarra gainditzea. Lehen aldiz lortu du garaipena Sousak, zirkuituko lehen saioetan lortutako abantaila baliatuz. Surfing bikaina burutu zuen Eunatek Venezuelako Isla Margaritan, oraindik Tomás urakanak itsasoan utzitako arrastoa somatzen zela. Eunateren hitzetan “olatu luze eta trinkoetan” moldatzen da hobekien bere surfeatzeko era eta aipatutako olatuek maila bikaina erakustea ahalbidetu zuten.
Finalean erraz menderatu zuen Isabella Sousa txapelduna, 7 puntuko bi olaturekin brasildarrak egindako 5 puntuen aurrean. Emaitza honekin Eunatek txapelketako bigarren postua ia zihurtatu du proba bakar baten faltan, hain zuzen ere, Kanaria Handietako “El Confitalen” jokatuko dena abenduaren hasieran.
