Richard Oribe Basque Teameko embaxadoreak hitzaldia eman zuen atzo Antzuola Herri Eskolan
Richard Oribe igerilariak eta Javier de Aymerich bere teknikariak solasaldia izan zuten atzo Antzuola Herri Eskolako 8 eta 9 urteko umeekin Basque Team Fundazioaren “Baloreetan BAT” proiektuaren barruan antolatutako jardueran.
Umeek ‘Agurra’ dantzatuz egin zieten harrera igerilari paralinpikoari eta bere teknikariari. Ordu batez, Richarden kirol ibilbide zabala errepasatu zuten eta donostiarraren desgaitasunari buruz aritu ziren. “Ezberdinak” diren pertsonak gaitasun baliotsuak eta bereziak dituztela azpimarratu zuten eta inguruaren, lagunen, familiaren, zaletasunen eta helburu eta horiek lortzeko bidearen garrantziaz ere egin zuten berba. Richarden gainditze-ahalmena izan zen hitzaldiaren ardatz.
Umeek bukaeran galdera interesgarri asko egiteko aukera izan zuten, eta ondoren, talde-argazkiarekin bukatutzat eman zuten saioa. Umeek ikaragarri ondo pasatu zuten eta guk ere bai!
