18-iraila-2020
Miren Lazkanoren adierazpenak Pragako Europako txapelketan finalerdietara igaro eta gero
Miren Lazkano Pragan jokoan den Europako txapelketan finalerdietara igaro da, C1eko lehen sailkapen txandan 12. postuan bukatu eta gero. Jaitsiera ez da oso garbia izan, 7., 8., 17. eta 22. ateetan talkak izan baititu. Dena den aintzat hartu behar da ia bi urte daramatzala Mirenek uretatik kanpo, aurten koronabirusak sortutako osasun-krisiagatik, eta aurrekoan sorbaldan izan zuen lesioagatik. Albiste ona da lesioa erabat atzean utzi izana eta lehen hitzordu honetan finalerdietarako txartela eskuratu izana.
