Chamlang gailurra mendebaletik, egina
Alberto Iñurrategi, Juan Vallejo eta Mikel Zabalzak Chamlang (7.313m) gailurrerainoko bidea egin dute gaur haren mendabeldeko isurialdetik. Ertz estu eta dotore batetik barrena egin dute bidea, oso baldintza gogorretan: hotz handia eta haizete indartsuak goian. Behin gailurra eginda, onik jaitsi dira 6.600 metrotan zuten dendara, eta han geratu dira atseden hartzeko. Harreta handia eskatuko die handik behera jaitsi beharreko ertzak, baina behin hura gaindituta Oinarriko Kanpalekuan ospakizunerako garaia zabalduko da.
Hiru mendizale hauen sokadak muturreko erronketan erakutsi du Basqueteam ikurra: Makaluko Mendebaldeko Pilareko saiakeran, Everesteko Hornbein korridorean, Broad Peakeko gailurreriaren zeharkaldian, Transantartika espedizioan, eta Paiju Peakeko balentrian.
