07-maiatza-2017
Brontzea Jon Carazorentzat olinpiar arrauneko Belgradeko Munduko Kopan
Jon Carazo bizkaitarrak brontzezko domina eskuratu du Serbian Jaime Canalejo, Ismael Montes eta Javier García taldekideekin batera lemazain gabeko lauko ontzian (-4M).
Pasea lortu zuten euren txandan bigarren sailkatuta (6:11.960) Holandako ontzi baten atzetik (6:06.160) baina finalean sartu ziren seigarren denbora onenarekin.
Gaurko jardunaldian hirugarren postuan amaitu dute, 6:13.21eko denbora eginda, bigarren ontzi holandarraren atzetik (6:11.04) eta urrea irabazi duen ontzi britainarraren ondoren (6:09.98).
Irailean Floridan jokatuko den Munduko txapelketari begira, aurkari zuzenekin izan duten lehenengo lehia oso positiboa izan da.
