10-ekaina-2018
Begoña Lazcano
Begoña Lazkanok hamargarren postuan bukatu du Europako txapelketako k1-5.000 metrokoa
Begoña Lazcano
Basque Teameko kirolariek azken proba jokatu dute gaur. Begoña Lazkanok azken bultzada eman du piraguismo esprinteko Belgradeko Europako txapelketa honetan, baina zapore gazi-gozoarekin bukatu du.
Lehiakide italiarra oztopo izan du k1-5.000 metrokoan eta Begoña 10. postuan geratu da ia hasieratik. Gero gipuzkoarrak ezin izan du postu hori hobetu estropada buruan jarri diren kirolariek ezarritako erritmo gogorragatik. Begoñak 24:15.340ko denbora egin du azkenean (+01:16.780).
Dena den, atzo K4-500 metroko proban zapore gozoagoa izan zuen pasaitarrak, zazpigarren postua erdietsi baitzuen Europako beste potentzia handiekin lehian, eta gainera abuztuan Portugalen jokatuko duten Munduko txapelketarako txartela ziurtatu baitzuen aldi berean.
