Basque Teameko Jagoba Vizuete karatekak zilarra irabazi du Europako txapelketako taldekako proban
Jagoba Vizuete gasteiztarrak Rodrigo Ibáñez, Samy Ennkaili, Raúl Cuerva, Babacar Seck, Pablo Arenas eta Alejandro Molinarekin batera, bigarren metalik preziatuena bereganatu du xNovi Sad-en (Serbia) jokatutako Europako txapelketan
Kumiteko konbinatuak 3 eta 2 azpiratu zuen Polonia, 3 eta 1 irabazi zion Bosnia Herzegovinari eta 3 eta 1 menderatu zuen Ukraina. Finalerdian 3 eta 0eko emaitzarekin gainditu zuen Portugal. Bestalde, talde turkiarrak Azerbaijani 3 eta 1 irabazi zion finalerdietan, lehenago Serbia eta Belgika mendean hartuta.
Finalean Jagobaren selekzioak 3 eta 1 galdu du Turkiaren kontra.
Emaitza hau une garrantzitsuan heldu da, aurten Munduko txapelketa Madrilen jokatuko baitute. Gainera 2020ko Tokioko Jokoetan karatea kirol olinpikoa izango da lehen aldiz.
