Basque Teamek 'San Mamesen Adierazpena' babesten du
01-urria-2020

Basque Teamek 'San Mamesen Adierazpena' babesten du

Basque Teamek bat egin du atzo, Kirolaren Europako Astean, Athletic Clubek aurkeztutako ‘San Mamesen Adierazpena’rekin. Athletic Fundazioaren ‘Aterpe’ programak dokumentu bat zehaztu du kirolaren eta aisialdiaren munduan haurren babes eta tratu ona bermatzeko. Atzo Ibaiganen egindako aurkezpenean izan ziren Olatz Legarza Basque Teameko koordinatzailea eta Isabel Abella Eusko Jaurlaritzak eta Basque Teamek martxan jarritako ‘Zure Taldekoak Gara’ arreta zerbitzuko arduraduna. Zerbitzu hau kirol arloan sexu abusu eta jazarpen eta sexuagatiko jazarpenaren aurkako arreta zerbitzua da.
Athletic Clubek, Haurren Babeserako Arloan, ‘Aterpe’ programaren bidez, dokumentu hau sortu du, urtebeteko lanaren eta esperientziaren ondorioz.

Atzo, irailak 30, Kirolaren Europako Asteari amaiera emango zitzaion eta Athletic Clubek dokumentu honen konpromisoa eta sendotasuna irudikatu nahi izan zuen Ibaigane Jauregian, Haurren Defentsako erakunde garrantzitsuenetako batzuekin batera. UNICEFek, EDUCOk eta Haurrentzako Tratu Txarren Espainiako Federazioak, besteak beste, adierazpen honen edukia babestu zuten.

Horiek guztiek, beste erakunde batzuekin batera (Bilboko Udaleko Kirol Zinegotzigoa, Bilboko EHUren Hezkuntza Fakultatea edota BBK Family), bat egin zuten San Mamesen Adierazpenarekin, eta txalotu egin zuten LaLigako kluben artean aitzindaria den ‘Aterpe’ programaren bidez haurren babesa bermatzeko zuri-gorrien konpromisoa.

Dokumentuaren aurkezpen ekitaldian, Ibaiganen, egon ziren Isidro Elezgaray (UNICEF), Conchi Ballesteros (EDUCO), Belen Villa (FAPMI), Itsaso Erroteta (Bilboko Udaleko Kirol zinegotzia), Mari Mar Boillos (EHUren Hezkuntza Fakultatea), Isabel Abella (Zure Taldekoak Gara), Olatz Legarza (Basque Team) eta Iñaki Alonso, Athletic Clubeko ‘Aterpe’ programaren arduraduna.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago