29-martxo-2016
Basque Teamek euskal piraguismoan etorkizun oparoa duen Miren Lazkano sartu du beka programan
Basque Teamek 2020ko Olinpiar Jokoetan du jomuga epe ertainera eta horregatik, maila goreneko euskal kirola sustatzeko duen beka programan Miren Lazkano sartu du. Etorkizun oparoa du gazteak jarraitzaileei arrakasta eta lorpen handienak eskaintzen dizkien kirolean, piraguismoan. Gaur goizean Lazkanok eta BAT Basque Teameko koordinatzaileak, Olatz Legarzak, kontratua sinatu dute.
Miren Lazkano (Donostia, 1997) piraguismoa praktikatzen hasi zen udako ikastaro batzuetan, 10 urte zituela. Gaur egun maila gorenean lehiatzen da, K1 eta C1 kategorietan Atletico San Sebastian klubean. Iaz, Munduko Txapelketan seigarren bukatu zuen, C1 kategorian, maila absolutuan. Proba hori Tokio 2020ko Olinpiar Jokoetako egitarauan sartuko dute estreinakoz.
