Basque Team Fundazioak doluminak adierazi nahi ditu Javier de Aymerichen heriotzagatik
28-urtarrila-2024

Basque Team Fundazioak doluminak adierazi nahi ditu Javier de Aymerichen heriotzagatik

Richard Oribe garun paralisidun igerilari handien eta ospetsuenaren entrenatzailea zendu da igande honetan, 70 urte zituela. Javierrek Basque Team Fundazioaren beka jaso zuen erakundea sortu zenetik Richarden entrenatzaile gisa, eta hura erretiratu ondoren, enbaxadore papera bete zuten biek, erakundeari aniztasun funtzionala duten pertsonentzat kirolaren garrantzia zabaltzen lagunduta, bai enpresa-munduan, bai hezkuntza-munduan.

1978an Madrilgo INEFen Heziketa Fisikoan lizentziatu zen, UPV/EHUn irakasle izan zen eta igeriketa entrenatzaileen hainbat belaunaldi trebatu zituen oraindik indarrean dagoen eta Espainiako teknikariek erabiltzen jarraitzen duten lan-metodologiarekin.

Aymerich paraleloan hazi zen Richard Oriberekin, tandem ahaztezina osatuz. Berarekin parte hartu zuen Sidney 2000ko, Atenas 2004ko, Pekin 2008ko eta Londres 2012ko hitzordu paralinpikoetan, eta elkarrekin Konporta Kluba ere sortu zuten. Richardek nazioarteko 135 domina eta urrezko zortzi, zilarrezko sei eta brontzezko bi irabazi zituen sei Jokotan, eta Javier beti egon zen bere ondoan.

Basque Team Fundazioak azpimarratu nahi du, alde batetik, igeriketa paralinpikoaren garapenean egindako kirol-ekarpen ukaezin eta ordainezina, eta, zehazki, garun-paralisia eta hartutako garun-kaltea duten pertsonen kasuan goi mailako kirolean egindako ekarpena, eta, bestetik, Javierrek izan duen giza kalitatea eta erakundearekiko jarrera ona.

Basque Teamek doluminak luzatu nahi dizkie Javierren familiari eta lagunei, halako galera konponezinaren aurrean, une zail hauetan, sostengua eta babesa eskaintzeko.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago