Asier Agirrek brontzea irabazi du maratoi erdiko Munduko Txapelketan
Asier Agirrek brontzezko domina erdietsi du asteburu honetan desgaitu intelektualen maratoi erdiko Munduko Txapelketan. Portugalgo Evora herrian jokatutako probak iazko protagonista berdinak izan zituen. Orduan bigarren postuan bukatu zuen durangarrak.
Basque Teameko atletak pozik baina nekatuta amaitu zuen txapelketa, probako ibilbide zorrotzak izan zituen igoera eta jaitsierak izan zirela eta. Azken 10 kilometroak bakarrik korritu behar izan zituen arren, aldeari eutsi eta hirugarren postua erdietsi zuen Asierrek. 1:11:55eko denbora egin zuen, iaz baino 13 segundo gehiago. Urrea Jose Azevedo portugaldarrak eraman zuen 1:11:14ko markarekin eta zilarra 6 segundo geroago helmugaratu zen Kaneko Ryo japoniarrak. Denbora hauek lehiakortasun maila erakusten dute garbi.
