08-apirila-2022
Ariane Ochoak Caparica Surf Festeko final-laurdenetarako txartela irabazi du, eta Garazi Sanchez txapelketatik at geratu da txanda berean
Basque Teameko bi kirolariak Caparica Surf Fest txapelketaren final-hamaseirenetan elkarren kontra aritu dira. Garazi Sanchezi, Netanya Pro txapelketan bosgarren izan zenari, kosta egin zaio olatu on bat surfeatzea. Azkenean iritsi da eta 5.83ko puntuazioa lortu du. Bere bigarren olatu onena 3.87koarekin baloratu da, baina ez da nahikoa izan aurrera egiteko. Arianeren kasuan, 5.33ko olatua goiz iritsi da, eta, ondoren, Etxebarrikoak 6.17ko beste olatu bat zamalkatu du, azken horrek serieko bigarren postua eman diolarik. Ochoarekin batera Yolanda Hopkins portugaldarra igaro da final-laurdenetara. Iparraldeko Juliette Lacome surflariak laugarren bukatu du.
