10.000 metroko Espainiako titulua eta Riorako txartela Trihas Gebrerentzat
Iraupen-lasterkari etiopiar-donostiarrak garaipena poltsikoratu du 10.000 metroko Espainiako txapelketan eta ondorioz, bere lehen Olinpiar Jokoetan hartuko du parte abuztuan.
Trihas Gebrek Maia-n (Portugal) lortu du bere lehen titulua pistan. Espainiako Kros txapelketa bereganatu zuen orain dela hilabete, eta orain erraz irabazi du 10.000 metrokoen Espainiako titulua, denbora bikaina eginda (32:14). Honi esker Rioko Olinpiar Jokoetarako txartela ziurtatu du.
Ricardo Jimenezen tutoretzapekoak gutxieneko marka lortu zuen iaz, baina gaur Portugalen erdietsitako urreari esker bere parte-hartzea ziurtatu du. Podiumeaan berarekin batera igo dira Sonia Bejerano eta Tania Carretero. Gebrek minutu bat baino gehiagoko aldea atera die, atzean utzi baititu hasieratik.
