Ander Cepasek brontzea poltsikoratu du Esloveniako Irekian
09-maiatza-2024

Ander Cepasek brontzea poltsikoratu du Esloveniako Irekian

Basque Teamek eta Euskadiko Mahai Tenis Federazioak bultzatutako bikaintasun proiektuko kidea podiumera igo da modalitatean maila handia duen lehiaketetako batean

Egipton lortutako zilarraren eta Brasilen eskuratutako urrearen ondoren, Ander Cepasek metalak biltzen jarraitzen du denboraldi honetan. 19 urterekin mundu guztia harrituta utzi du batez ere azken bi urteetan izan duen progresioarekin. Mahai-tenis egokituan etorkizun oparoa izatetik, nazioartean erreferente berrietako bat izatera igaro da. Bere jarrera, talentu eta energiari esker, Ander Cepas Munduko onenen artean kokatu da 9. klasean eta Pariseko Jokoetarako txartela poltsikoan du jada. Esloveniako Openean, Munduko Txapelketa baten antzeko maila duen torneoan, berea izan da banakako lehian estatu mailan lortutako domina bakarra.

Donostiarrak bi garaipen lortu zituen multzoen fasean Ashley Facey britainiarraren (3-0) eta Hayuma Abe japoniarraren (3-2) aurka, eta porrot bat jaso zuen Lucas Didier frantziarraren aurka (1-3). Final-laurdenetan Daniel Gustafsson suediarra 3-1 gainditu zuen (7-11, 11-4, 11-8 eta 11-8), eta finalerdietan dena eman zuen mahaian Lin Ma australiarra estutzeko. Ma bost aldiz izan da Munduko txapeldun, hamaika aldiz Asiako txapeldun, eta urrezko lau domina eta zilarrezko hiru lortu ditu Paralinpiar Jokoetan. Neurketa bere alde bukatu zen 2-3 (9-11, 13-15, 11-8, 11-9 eta 8-11).

Basque Teameko bekaduna den Iker Sastre, berriz, final-zortzirenetara iritsi da 2. klasean. Oraindik binakako txapelketa geratzen zaio. Anderrek bezala, Pariseko Jokoetarako sailkapena ziurtatuta dauka dagoeneko.

Honekin lotutako berriak

19-azaroa-2026

Ander Cepas, Basque Teameko mahai-teniseko jokalaria, Munduko txapeldunorde, binakako lehian

Informazio gehiago
16-iraila-2026

Ander Cepasek bi domina lortu ditu ITTF World Para Elite Yvelines txapelketan

Informazio gehiago
30-ekaina-2026

MATX PODCASTA 02: Ander Cepas mahai-tenis jokalaria

Informazio gehiago
11-maiatza-2026

Iker Sastre Basque Teameko mahai-teniseko jokalariak brontzezko domina bereganatu du Laskoko ITTF World Para Challengerrean

Informazio gehiago
27-apirila-2026

Ander Cepasek, Basque Teameko mahai-teniseko jokalariak, bi urre irabazi ditu Sao Pauloko ITTF World Para Challengerrean

Informazio gehiago
30-martxo-2026

Ander Cepasek, Basque Teameko mahai-teniseko jokalariak, bi urre irabazi ditu ITTF World Para Future Costa Brava txapelketan

Informazio gehiago