Eider
Merino

BIO

Eider Merino Kortazar oso gazte ekin zien pedalei. Txirrindularitza pasio handiz bizi du, eta horregatik uztartzen ditu ziklo-kroseko eta ibilbideko modalitateak. Merinok bere lehen garaipena lortu zuen 2009an, kadete mailan: Espainiako ziklo-kros txapelketa.

Modalitate horretako titularretan agertu ondoren, laster egin zuen errepiderako jauzia. Merinok emaitza onak biltzen jarraitu zuen, eta bi urte geroago, estatuko txapelketetako lehen postuak eskuratu zituen: errepideko proba irabazi zuen, eta hirugarren izan zen erlojupekoan. Asteasun jokatutako ziklo-kros txapelketan postua errepikatu zuen.

Antzeko emaitzak lortzen jarraitu zuen, harik eta bi urte geroago, 2013an, Lointek taldearen eskutik profesionaletan debutatu zuen arte. Urtebete geroago, Euskal Emakumeen Biraren mallot gaztea erdietsi zuen, eta 2015ean hirugarren izan zen Morbihan Klasikoan.

2018an, Merino Movistar taldean sartu zen. Aldaketak Balmasedako txirrindulariari aurrerapauso bat ematea ahalbidetu zion. Urte horretan, Espainiako errepideko Elite txapelketa irabazi zuen, eta bigarren geratu zen erlojupekoan. Gainera, zortzigarren postua egin zuen Italiako giroan, eta orain arteko emaitzarik onena lortu zuen Munduko Txapelketa batean: 34. izan zen Errusian jokatutako Munduko Txapelketan. Etapa bat ere irabazi zuen Ardetxetako Itzulian. 2019an kilometro gehien egin zituen bere ibilbide profesionalean.