Tania Calvo pistako txirrindularia, Europako txapeldunordea taldekako abiaduran

Basque Teameko Tania Calvo txirrindulariak, bere selekzioko kidea den Helena Casasekin batera, bigarren postua lortu du Parisetik gertu dagoen Saint Quentin-en-Yvelines herrian jokatzen ari diren Europako txapelketan, taldekako abiadura proban. Urretik zazpi ehunenekoetara geratu dira Calvo eta Casas, eta final estu batean ezin izan dute menderatu bikote errusiarra.

Taniak eta Helenak finalean galdu dute iaz ere Grenchen-en (Suitza) txapeldun izan ziren Daria Shmeleva eta Anastasiia Voinova errusiarren kontra. Brontzea Lituaniak eraman du.

Sailkapen proban ere errusiarrak eta Tania eta Helena nagusi izan dira, lehenengo eta bigarren postuan bukatuta. (33.811 eta 34.095 segundo hurrenez hurren). Sailkapenean Calvok eta Casasek osatutako bikoteak kanpoan utzi du Ukraina. Arabarrak atzo laugarren postua lortu zuen 500 metroko proban eta gaur zilara taldekako abiadura lasterketan. Abiadura eta keirin probetan ere hartuko du parte datozen egunetan.