06-iraila-2017
Patxi Peula (enbaxadorea)
Patxi Peulak urrezko bainua jaso du Nanjingeko Munduko txapelketan
Patxi Peula (enbaxadorea)
Patxi Peulak bigarren postuan bukatu du Nanjingen (Txina) jokatzen ari diren World Roller Gamesetako 10.000 metroko proba, baina azkenean urrezko domina eskuratu du hasieran irabazlea izan den patinatzaile frantziarra deskalifikatu dutenean.
Peularekin batera, Alexis Cotin frantziarrak (zilarra) eta Jorge David Bolaños Villacorte ekuadortarrak (brontzea) osatu dute podiuma.
Lehen postu honez gain, Patxi Peulak seigarren postua lortu du 1.000 metro sprint proban eta hamabigarrena 15.000 metro kanporaketa proban.
Denboraldi honetan gasteiztarra garaipenaren bidera itzuli da, Lagoseko Europako txapelketan hiru brontze eta zilar bat, eta Poloniako World Gamesetan bi brontze eskuratu baititu.
