03-abuztu-2010
Bi domina lortu ditu dagoeneko Patxi Peulak abiadurazko patinajeko europako txapelketan
(2010/08/02) Peula eta Vidondo lehiatzen jarraituko dute datozen egunetan
Uztailaren 29a ezkeroztik ari da jokatzen abiadurazko patinajeko europako txapelketa. BATeko kirolarientzat lehendabiziko domina igandean heldu zen, abuztuaren 1ean. Patxi Peula gasteiztarra hirugarren izan zen Puntuazio/Eliminazio 10.000 metrokoan, Iñigo Vidondo aldiz hamargarrena izan zen sailkapen orokorrean.
Gaur bigarren domina lortzeko aukera izan du Peulak, 1.000 metrokoan berriz ere hirugarren sailkatu da patinatzaile arabarra, brontzezko bigarren domina bereganatuz.
Hurrengo egunetan BATeko kirolariek domina gehiago lorzeko aukera izango dute, zirkuituko eta maratoiko saioak jokatuko baitira.
