Jorge Pinedak Municheko Europako Txapelketan arraun olinpikoko A finalerako txartela lortu du

Jorge Pineda Basque Teameko bekadunak, Josefa Benitez, Enrique Floriano eta Verónica Rodriguezekin batera, PR3 Mixed Coxed Four probako A mailako finalean parte hartuko du.

Ez dira oso indartsuak izan irteeran, eta bosgarren postuan geratu dira hasieran, baina Pinedaren ontziarentzat estropada hobetuz joan da 1.000 metrotik eta 1.500 metrotik pasatzean. Bi partzialetan laugarren izan baitira.

Probaren ostean, Jorge Pinedak Basque Teameko komunikazio taldearekin izandako solasaldian onartu du oraindik asko dutela hobetzeko estropadaren azken zatian, baina bide onetik doazela. Azken 500 metroetan bosgarren postura jaitsi dira bosgarren bukatuz, 8:19.42ko (+56.21) denbora eginda, Britainia Handia, Frantzia, Italia eta Alemaniaren ondoren.

Jorge Pineda pozik agertu da egindako lanarekin, Italiarekiko eta Alemaniarekiko aldea murriztu dutelako, Tokioko Joko Paralinpikoen ondoren ia lehiatu ez diren arren. Bizkaitarrak ziurtatu du dena emango dutela abuztuaren 14ko A mailako finalean podiumean sartzeko, nahiz eta ontziaren benetako helburua, epe ertainera, 2024ko Pariseko Jokoetako sailkapenerako prestatzea izan.