Brontzea Kiyoshi Uematsu judokarentzat Limako Irekian
Portugaleteko judokak brontzea irabazi du Limako Irekian, 73 kiloz azpiko kategorian.
Kiyoshik finalerdietan galdu zuen Alex Pombo da Silva brasildarraren eta txapelketako irabazlearen kontra. Gero Daniel Williams britainiarrari nagusitu zitzaion errepeskan.
Jaione Equisoainek, bestalde, brontzea eskuratu zuen Irina Zabludina errusiarraren aurka finalerdietan galdu ondoren. Errepeskan erraz irabazi zion Jovana Rogic serbiarrari.
66 kiloz azpiko kategorian Sugoi Uriartek urrea bereganatu zuen gorengo markak pilatuz finalera iritsi arte. Lehenengo Cesar Raul Tornello argentinarra azpiratu zuen , gero Nathon Burns britainiarra, eta finalerdietan Andraz Jereb esloveniarra. Finalean ez zion aukerarik eman Jasper Lefevere belgikarrari eta 100 puntu gehiago pilatu zituen horrela, olinpiar txartela eskuratzeko.
