Bitor Garitaonandia Caparica Surf Festeko 96 onenen txandan kanporatu dute
Bitor Garitaonandiak, Basque Teamek eta Euskadiko Surf Federazioak abian jarritako bikaintasun-proiektuko kideak, ezin izan du bere lehen txanda gainditu Caparica Surf Festen, QS zirkuituari dagokion txapelketan. Surflaria 96 onenen kanporaketan lehiatzen hasi da, baina ezin izan die irabazi Mael Laborde frantziarrari (11.67) Eduardo Fernandes portugaldarrari (8.13) eta Edoardo Papa italiarrari (7.73). Garitaonandiaren bi olatu onenek 3.50eko eta 3.90eko puntuazioa jaso dute, guztira 7.40 puntu pilatuta. Txandako azken zatian baldintza hobeen zain geratu den arren, gipuzkoarrak ez du bere puntuazioak hobetzeko aukerarik izan.
Bitorrek Caparicara joandako Basque Teameko komunikazio taldeari esan dio pena dela orain arte egindako lan guztia uretan ezin frogatu izana.
