Basque Teameko kirolariek pistako txirrindularitzaren aurpegia eta gurutzea bizi izan dute Municheko Europako Txapelketetan
11-abuztu-2022

Basque Teameko kirolariek pistako txirrindularitzaren aurpegia eta gurutzea bizi izan dute Municheko Europako Txapelketetan

Messe München belodromoak albiste ona utzi digu gaur arratsaldean, Ekain Jimenezen lehen kanporaketarako sailkapena taldekako abiaduran eta bi ez hain onak, Tania Calvo, Eukene Larrarte eta Ziortza Isasi kanporatzea taldekako jazarpenean eta Jaime Romerorena gizonezkoen proba berdinean.

Ekain Jimenezek taldekako abiadura probarako sailkatze saioa gainditu du. Basque Teameko txirrindulariak, Alejandro Martinez eta Jose Morenorekin batera, zazpigarren postuan bukatu du, 36.661eko emaitzarekin. Zortzi onenak sailkatu dira biharko, abuztuaren 12ko lehen kanporaketan parte hartzeko. Herbehereek, Britainia Handiak, Frantziak, Poloniak, Alemaniak eta Txekiar Errepublikak gainditu dituzte, baina Italia, Lituania eta Ukraina baino hobeak izan dira gaurkoan. Proba amaitzean, Ekain Jimenezek aitortu du lasterketa askoz hobeto presta daitekeela, baina biharko hitzordurako akatsak leuntzen saiatuko direla.

Jarraian, Tania Calvo, Eukene Larrarte eta Ziortza Isasi taldekako jazarpenean izan dira. Proban eurak izan dira lehenak eta ez zaie oso ondo joan. Isabel Martin nahiko berria den taldean sartu da. Alde batetik batera korritzeko izan duten aukera gutxiengatik eta, bestetik, Municheko belodromoaren ezaugarriengatik apur bat baldintzatuta aritu izan dira. Lehian zeuden bederatzi taldeetatik zortzi hurrengo txandara pasatzen ziren eta neskak bederatzigarrenak izan dira 4:37.811ko denborarekin.

Gauza bera gertatu zaio Jaime Romero Basque Team-eko beka duen pistardari. Albert Torres eta Sebastian Mora boteretsuak laukoteko kide izatea ez da nahikoa izan. Bederatzigarren postuan amaitu dute 4:03.340ko marka egimda. Jaimek proba bukatutakoan esan du oraindik asko dagoela hobetzeko lehiakideekin alderatuta.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago