06-uztaila-2009
Patxi Usobiaga Munduko Txapelduna.
Patxi Usobiaga Munduko eskalada txapelduna Txinan.
Laugarrenean bai, azken 3 edizioetan zilarrezko domina lortu ondoren Munduko txapelketa eskuratu zuen atzo Patxi Usobiagak Xinig-en (Txina). Emozio handiko finala jokatu zuten Patxik eta Adam Ondra bere aurkari zuzenak eta txapelketa azken heldulekuan erabaki zen. 28 urteko eibartarrak bere esperientzia baliatu zuen, Ondra, etorkizuneko eskalatzailea izan daitekeen 16 urteko txekiarraren aurrean.
Garaipen honi esker Patxi Usobiagak (Eibar, 1980-9-7) bere kirol ibilbidea borobiltzea lortu du Munduko 2 Kopa, Europako txapelketa eta beste hainbat garaipen lortu eta gero.
