08-abendua-2011
Eunate Aguirre munduko azpitxapelduna izan da El Confital-en laugarren amaitu eta gero
Finalean egindako lan kaxkarrak zirkuituko azken proba irabaztea galerazi dio
Azken proba irabazteko aukera guztiekin sartu zen uretara Eunate Aguirre baina laugarren postuan amaitu zuen azkenik. Emaitza honekin iaz lortutako azpitxapelketa berretsi du eta titulua geroz eta gertuago duela erakutsi du beste behin. Finalaren aurreko egunean lan bikaina burutu zuen sopeloztarra, txapelketako puntuaziorik onena izan den olatua harrapatuz (17,5). Finalean berriz, eta Eunatek berak amaieran esan bezala “azkenaldiko surfing eskasena egin dut”.
Proba garrantzitsu honen irabazlea Chiaki Okuyama japoniarra izan zen ezustean, puertorrikoko Natasha Sagardiaren eta brasilgo Neymara Carvalhoren aurretik.
