NATURGAS/BBK NUPTSE 2012 espedizioa Katmandun da trekkingerako prestaketak bizkortu nahian
Iñurrategi, Vallejo eta Zabalza oinarrizko kanpalekura abiatuko dira datozen orduetan
Katmandu, 2012ko irailaren 19an.- Alberto Iñurrategik, Juan Vallejok eta Mikel Zabalzak Nepaleko hiribua azkar utzi nahi dute atzean, horretarako bizkortu nahi dituzte izapide guztiak, azken erosketak egin eta kontu handiz material guztia paketatu. “Geroz eta garestiago dago guztia hemen eta hiria ere zaratatsuagoa, ziztu bizian atera nahi dugu hemendik”. Zintzotasuna beti ere. Atzo, asteartez, Katmandura heldu ziren arratsaldeko 5etan eta “eguraldiak eusten badio” bihar aterako dira hegazkinez Luklara, Khumbuko eskualdean eta 2.860 metroko altueran dagoen herrira. Bertatik hasiko du NATURGAS/BBK NUPTSE 2012 espedizioak oinarrizko kanpalekura eramango duen trekkinga.
