Brontzezko domina Tessy Eboselerentzat Mediterraneoko Jokoetan
03-uztaila-2022

Brontzezko domina Tessy Eboselerentzat Mediterraneoko Jokoetan

Basque Teamek eta Euskadiko Atletismo Federazioak martxan jarritako bikaintasun proiektuko kideak brontzezko domina lortu du jauzi hirukoitzean 13,63ko markarekin

Mediterraneoko Jokoetako atletismoaren hirugarren jardunaldian Tessy Ebosele podiumeko hirugarren tokira igotzen ikusi genuen. Kirolariak brontzezko domina irabazi zuen jauzi hirukoitzean 13,63 metroko markarekin Oranen (Aljeria) egin zuen seigarren eta azken saiakeran. Gainera, arabarrak bere marka pertsonala berdintzea lortu zuen, eta duela sei egun Nerjan jokatutako aire zabaleko atletismoko Espainiako txapelketetan lortutako brontze absolutuari beste arrakasta bat gehitu zion.

Tessy Eboselek hiru aldiz lortu zuen Orango jauzi hirukoitzeko finalean 13 metroak gainditzea eta azkenean hirugarren postuan bukatu zuen. Neja Filipic esloveniarrak irabazi zuen (14,16 metro) eta Tugba Danismaz turkiarra (14,05 metro) izan zen bigarren.

Tessy Eboselek 20 urte beteko ditu uztailean eta euskal atletismoaren promesarik handienetakoa da. Atleta hau luzera jauzian eta jauzi hirukoitzean lehiatzen da. Eboselek 20 urtez azpiko emakumezko atleta onenaren saria jaso zuen duela hilabete batzuk Espainiako Atletismo Federazioaren eskutik.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago