02-azaroa-2015
Leire Olaberria 6. Calin, Riotik hurbilago
Munduko Kopako lehena Calin, Colombian, eta Omnium proban Leire Olaberria seigarren. Basque Teameko pistard-a 6. izan zen scratch-ean, 12. jazarpenean, 10.eliminazioan, 6.erlojupekoan, 10.abiarazitako itzulian, eta 11.puntuaketan. Sailkapen orokorreko 6.postuarekin puntu baliotsuak lortu ditu Rio 2016ra sailkatzeko bidean. “Ekin aurretik bosgarren postua nuen helburu, baina seigarrenarekin oso gustura amaitu dut oso proba gogorra izan bait da”, esan zuen amaitutakoan. Munduko Kopan beste bi proba jokatuko dira, eta “Munduko Txapelketak bailiran” prestatuko dituela esan du ikaztegietarrak, “martxora arte erne baino erneago jarraituko dut, Jokoetako ametsari tinko eutsi nahi diot”.
