04-martxo-2016
Maider Undak ez du Europako Txapelketa jokatuko lesio bategatik eta aurreolinpikoetan jarriko du arreta
Maider Undak ez du Rigan, martxoaren 8tik 13ra jokatuko duten borrokako Europako Txapelketan parte hartuko. Olaetakoak Europako Txapelketari uko egin dio duen lesioa guztiz sendatzeko. Otsailaren lehenengo astean izan zuen zuntz hausturak txapelketetatik at utzi du arabarra. Dena den, Maiderrek uste du sasoiko helduko dela Rioko Jokoetarako txartelagatik borrokatzeko apirileko eta maiatzeko torneoetara. Lehenengo hitzordua Zrenjanin-en (Serbia) izango du apirilaren 15etik 17ra. Bertan ez badu Olinpiar Jokoetarako txartela eskuratzen, bigarren aukera bat izango du aste bat geroago Ulan Bator-en (Mongolia). Hirugarren aukera Istanbulen edukiko du maiatzaren 6tik 8ra.
