04-apirila-2016
Illart Zuazubiskar pistako txirrindularia Basque Teamek goi mailako kirolarientzat duen beka programara batu da
Illart Zuazubiskar txirrindulariak eta Olatz Legarzak, Basque Teameko koordinatzaileak, gaur goizean sinatu dute beka eta horrela, jazarpen probetan espezialista den abadiñarra goi mailako kirola sustatzeko programara batu da.
Illart Zuazubiskar (Abadiño, 1990) Londreseko pista estaliko Munduko Txapelketan 13. postua lortu duen lauko taldean aritu da. Iazko Munduko Txapelketan laugarren izan zen madison proban eta hamargarren jazarpen olinpikoan. Eustrak taldearekin lehiatzen den Zuazubiskar bere parte hartzea prestatzen ari da bakarkako probetan. Beka pistako txirrindularitzan egindako lanagatik jasoko duen arren, errepideko txirrindularitzan ere lehiatzen da.
