Asier Cuevasek Seregnoko 50 kilometroen proba irabazi du, Espainiako errekorra hautsita
BAT Basque Teameko iraupen-lasterkari Seregno-ko (Italia) 50 kilometroen proba irabazi du historiako espainiar markarik onena eginda (2:57:35). Distantzia honetan eibartarrak korritu duen lehen lasterketa izan da gaurkoa.
100 kilometroen munduko txapeldunordeak gaurko proban hartu du parte 100 kilometroen munduko txapelketarako prestatzeko. Beroak eta hezetasunak lasterketa zaildu duten arren eta azken zatia oso gogorra izan den arren, Cuevasek garaipena lortu du azkenean.
Espainiako Atletismo Federazioak ez du ofizialki aintzatesten 50 kilometroen marka baina orain arte Jose Maria Gonzalezek zuen denbora onena. Espainiako 100 kilometroen errekorra 2006ko ekainaren 10ean egin zuen (06:23:44) eta 50. Kilometrotik igarotzean 03:07:18an gelditu zuen kronoa.
