10-maiatza-2018
Basque Teameko Pablo Carrera tiratzaileak brontzea irabazi du Fort Benningeko Munduko Kopan
Pablo Carrerak brontzezko domina jantzi du aire pistolako 10 metrokoan, Fort Benningen, Columbusen (Estatu Batuak) jokatutako Munduko Kopan
31 urteko bilbotarra finalera igaro da sailkapen txandan zortzigarren postuan bukatu eta gero, 579 punturekin. Finalean hirugarren izan da 220,6 puntu eginda. Wu Jiayu (241,2) eta Wang Meng Yi (241,9) txinatarrek osatu dute podiuma.
Pablok martxoan jokatu zuen Europako txapelketa Hungarian; bosgarren postuan bukatu zuen banakako lehia eta zortzigarrenean aurten martxan jarri duten bikote mistoen lehia.
Basque Teameko kirolariak denboraldiko hitzordu garrantzitsuena, Munduko txapelketa, abuztuaren 31tik irailaren 15era izango du Korean. Han jokoan izango dituzte Tokioko jokoetarako lehen plazak.
